MPSC Current Affairs Quiz | 23 July 2021

महाराष्ट्र राज्य ब्लॉकचेन तंत्रज्ञानाचा वापर करून शैक्षणिक कागदपत्रे वितरित करणारे देशातील पहिले राज्य ठरले आहे. ब्लॉकचेन तंत्रज्ञानाचा वापर करून सुमारे दहा दशलक्ष पदविका प्रमाणपत्रे वाटप केली जातील. वर्तमानात अश्या पद्धतीचा वापर जगात केवळ माल्टा, सिंगापूर आणि बहरीन या देशांमध्येच होत आहे.

आंतरराष्ट्रीय ऑलिम्पिक समितीच्या मान्यतेनुसार, ‘2020 टोकियो ऑलिम्पिक’ खेळांचे घोषवाक्य ‘फास्टर, हायर, स्ट्रॉंगर – टुगेदर’ हे आहे. उन्हाळी ‘2020 टोकियो ऑलिम्पिक’ खेळांचे आयोजन 23 जुलै ते 8 ऑगस्ट 2021 या कालावधीत जपानच्या टोकियो शहरात करण्यात आले आहेत.

वैद्यकीय ऑक्सिजनच्या सिलिंडरचे आयुष्य तीन पटीने वाढविण्याच्या दृष्टीने, ऑक्सिजनचा नियंत्रित पुरवठा करणारे ‘AMLEX’ नामक नवीन उपकरण रोपार (पंजाब) येथील भारतीय तंत्रज्ञान संस्थेच्या संशोधकांनी विकसित केले आहे. रुग्णांना श्वास घेताना आवश्यक प्रमाणात ऑक्सिजन पुरवणारे आणि उश्वासाद्वारे कार्बन डाय-ऑक्साईड बाहेर सोडत असताना ऑक्सिजन पुरवठा रोखणारे हे नवीन उपकरण ऑक्सिजनची बचत करण्यात मदत करते.

चीन देशाने ताशी 600 किलोमीटर या उच्च-गतीने धावणारी ‘मॅगलेव्ह ट्रेन’ तयार केली आहे. ती जगातील पहिली हाय-स्पीड मॅगलेव्ह परिवहन व्यवस्था’ ठरली आहे. वर्तमानात, मॅगलेव्ह रेलगाडी सर्वात जलद भू-वाहन आहे.

आंतरराष्ट्रीय ऑलिम्पिक समितीच्या (IOC) निर्णयानुसार, ‘2032 ऑलिम्पिक’ ब्रिस्बेन (ऑस्ट्रेलिया) या शहरात खेळविण्यात येणार.