MPSC Current Affairs Quiz | 3 May 2021

28 एप्रिल 2021 रोजी भारत आणि रशिया या देशांनी परराष्ट्र मंत्री आणि संरक्षण मंत्री यांच्यातल्या “2+2 मंत्रीस्तरीय संवाद”ची स्थापना करण्यास सहमती दर्शविली. सध्या भारताने अमेरिका, जपान आणि ऑस्ट्रेलिया यांच्यासोबत परराष्ट्र मंत्री आणि संरक्षण मंत्री यांच्यातल्या “2+2 मंत्रीस्तरीय संवाद”ची स्थापना केली आहे.

हैदराबादच्या स्त्रीरोग तज्ज्ञ डॉ. एव्हिटा फर्नांडिज यांना ‘युधवीर स्मारक पुरस्कार 2021’ देण्यात आला. भारताचे उपराष्ट्रपती एम व्यंकय्या नायडू यांच्या हस्ते हा पुरस्कार देण्यात आला.

अमेरिकेच्या स्ट्रेटोलॉंच कंपनीचे तयार केलेल्या जगातील सर्वात मोठ्या विमानाने त्याचे दुसरे चाचणी उड्डाण यशस्वीरित्या पूर्ण केले आहे. ही चाचणी कॅलिफोर्निया येथे घेण्यात आली. चाचणीदरम्यान विमान 14,000 फूट (4,267 मी) उंचीवर ताशी 199 मैल एवढ्या सर्वोच्च गतीपर्यंत पोहोचले होते. विमानाच्या पंखांच्या विस्ताराची एकूण लांबी 385 फूट (117 मीटर) आहे. विमान 550,000 पौंड (250 टन) एवढे भार वाहू शकते. विमानामध्ये एकूण सहा इंजिन बसविण्यात आले आहेत.

बेंगळुरू येथील जपानी शिक्षिका श्यामला गणेश यांना जपान सरकारच्यावतीने ‘ऑर्डर ऑफ द राइझिंग’ या पुरस्काराने सन्मानित करण्यात आले आहे.

कोविड-19 विरूद्धच्या देशाच्या लढ्यात साथ देण्यासाठी आणि ‘समुद्र सेतू द्वितीय’ या मोहिमेचा एक भाग म्हणून, विविध देशांमधून द्रवरूप वैद्यकीय ऑक्सिजनने भरलेले क्रायोजेनिक कंटेनर आणि संबंधित वैद्यकीय उपकरणे देशात आणण्यासाठी भारतीय नौदलाच्या सात नौका तैनात करण्यात आल्या आहेत. भारतीय नौदलाच्या INS कोलकाता, INS कोची, INS तलवार, INS तबर, INS त्रिकंद, INS जलश्व आणि INS ऐरावत तैनात करण्यात आल्या आहेत.